बैतडी –एनपीएलमा सुदूरपश्चिम रोयल्सको फ्यान गीत सार्वजनिक भएको छ । 

मंगलबार रातोतातो स्टेसनको आधिकारिक युट्युव च्यानल ‘रातोतातो स्टेसन’ मार्फत ‘सुरु भिडन्त’ नामक गीत सार्वजनिक भएको हो । 

रोहित साउँदको शब्द र स्वर रहेको उक्त गीतको प्रमुख कलाकारमा साउँदसंगै निरज भण्डारी रहेका छन् । 

अंकित रेकर्ड्स सुकासालमा रेकर्ड भएको उक्त गीतलाई बाह्र पचासले मिक्सिङ्ग मास्टरिङ्ग गरेको छ । उक्त गीतको छायांकन दिपेशसिंह भाट र युग बलमे गरेका हुन् भने सिर्जनात्मक निर्देशक तर्फ कमल मान रहेका छन् । 

विगतमा ‘पहाडीको छौनो’ नामक गीतलाई श्रोता दर्शकहरुले रुचाएका र यसपटक ‘शुरु भिडन्त’नामक गीत एनपीएलमा सुदूरपश्चिम रोयल्स समर्थकहरुका लागि ल्याएको कलाकार निरज भण्डारीले बताए । गीतले सुदूरपश्चिम रोयल्सका समर्थकहरुको हौसला बढाउने अपेक्षा गरिएको छ । 

https://www.youtube.com/watch?v=F57vmd7ycGs