बैतडी –बैतडीमा जारी २१ औं संस्करणको रेडियन्ट ग्याँस बिडिसिए इलाइट कप एकदिवसीय क्रिकेट प्रतियोगितामा टिम एनआरवाइसीले विजयी शुरुवात गरेको छ । त्रिपुरा क्रिकेट क्लबलाई पराजित गर्दै एनआरवाइसीले सुखद शुरुवात गरेको हो । 

जितका लागि पाएको १७७ रनको लक्ष्य एनआरवाइसीले २७.१ ओभरमा ६ विकेटको क्षतिमा पूरा गर्यो । जसमा सुरज बोहराले अर्धशतकीय पारी खेल्दै सर्वाधिक ५६ रन जोडे । सुरज खेलका म्यान अफ द म्याच पनि चुनिए । त्रिपुराका त्रिलोक महरले ४ विकेट हात पारे । 

यसअघि दशरथचन्द खेलमैदान, सुन्दरखालीमा टस जितेर पहिला ब्याटिङ गरेको त्रिपुरा ३३.४ ओभरमा १७६ रनमा अलआउट भयो । उसका महेन्द्र मार्कण्डले सर्वाधिक ४८ रन बनाए । बलिङमा एनआरवाइसीका भुपेन्द्र चन्दले ४ विकेट लिए ।

एनआरवाइसीले विजयी सुरूवात गर्दा त्रिपुराको यो दोस्रो हार हो ।