बैतडीको एक गोठमा आगलागी हुँदा चार पशुचौपाया मरे
बैतडी–बैतडीको एक गोठमा लागलागी हुँदा चारओटा पशुचौपाया मरेका छन् । जिल्लाको पुर्चौंडी नगरपालिका–८ पन्तोलीस्थित ज्ञानेन्द्रसिंह साउँदको गोठमा आगलागी हुँदा दुईओटा भैंसी, एक गोरु र एक बाख्रा जलेर मरेका हुन् ।
कुडो पकाउनका लागि गोठलामा बालेको आगो सल्केपछि आगलागी भएको जिल्ला प्रहरी कार्यालयका प्रहरी निरीक्षक बलराम पाण्डेयले जानकारी दिए । सोमबार बिहान ३ बजेको समयमा गोठमा आगलागी भएको बुझिएको छ ।
स्थानीयहरुको सहयोगमा आगलागी नियन्त्रणमा लिइएको थियो भने आगलागीबाट ३ लाख बढीको क्षति भएको प्रहरी निरीक्षक पाण्डेयले बताए ।
प्रकाशित मिति: सोमबार, मंसिर २४, २०८१ १३:०८
प्रतिक्रिया दिनुहोस्
थप बैतडी
साताको लोकप्रिय
