रौतहटमा जिप दुर्घटना : आठ जनाको मृत्यु
काठमाण्डौ – बारामा गढीमाईको दर्शन गरेर सिराहा फर्कँदै गरेको जिप दुर्घटना हुँदा आठ जनाको मृत्यु भएको छ भने पाँच जना घाइते भएका छन् ।
दुर्घटनामा परी सिरहाको अर्नामा नगरपालिका–३ बंठिया टोलका रामकुमारीदेवी महरा, रामकुमारी महरा, सकुन्तलादेवी महरा, उर्मिला महरा, लरुवतीदेवी महरा, महगीदेवी महरा, फुलमन्तीदेवी चमार र चालक श्रीकुमार यादवको मृत्यु भएको प्रहरी नायब उपरीक्षक राजकुमार राईले जानकारी दिए ।
त्यस्तै दुर्घटनामा घाइते भएका राधा राम, आर्यन राम, देवकुमारी महरा, रितिक महरा र कन्यादेवी महरालाई उपचारका लागि वीरगञ्ज पठाइएको प्रहरीले जनाएको छ ।
पूर्वपश्चिम राजमार्गअन्तर्गत रौतहटको लमाहामा गएराति बा १६च ३१६२ नम्बरको जिप दुर्घटना भएको हो । जिप अनियन्त्रित भई रुखमा ठोक्किएको थियो ।
प्रकाशित मिति: मंगलबार, मंसिर २५, २०८१ १०:४९
प्रतिक्रिया दिनुहोस्
लोकप्रीय
