बैतडी- बैतडीको दोगडाकेदार गाउँपालिकामा हिजोदेखि सुरु भएको आँखा शिबिर सम्पन्न भएको छ । नेपाल नेत्रज्योती सघं गेटा आखाँ अस्पताल र दोगडाकेदार गाउँपालिकाको आयोजनामा शिविर सञ्चालन भएको भएको थियो  । शिबिरमा ४३८ जनाले सेवालिएका छन । हिजो १२३ जना पुरुष र १४४ जना महिला गरी जम्मा २६७ जनाले सेवा लिएको शिविर संयोजक नरेन्द्रराज बिष्टले बताए ।

२६७ जनामध्ये हिजो शिविरमा ७० जनाको मोतीबिन्दुको शल्यक्रिया गरीएको छ । यस्तै आज १७१ जनाले सेबा लिएका छन् । जसमध्ये २२ जनाको मोतिबिन्दुको शल्यक्रिया गरीएको शिविर संयोजक नरेन्द्रराज बिष्टले बताए ।  शिविर हिजो र आज गरि दुईदिन शिविर सञ्चलन भएको वाह्य कार्यक्रम ब्यबस्थापक रमेश चन्द्र भट्टले बताए ।

दोगडाकेदार गाउँपालिकामा रहेको सनातनधर्म माबि श्रीकोटमा शुक्रबार शिबिर सम्पन्न भएको छ भने यहि मंसिर ३० र पौस १ गते गरी दुईदिन आखाँ उपचार केन्द्र पाटनमा सञ्चालन हुने भट्टले बताए ।  शिविरमा आँखाका बिरामीहरूको निःशुल्क चेकजाँच तथा परामर्श,आँखाको मोतिविन्दुको समस्या भएका बिरामीहरूको शल्यक्रिया द्धारा निःशुल्क उपचार तथा सुफथ मुल्यमा चस्मा समेत उपलब्ध गराईने बताईएको छ ।