बैतडी र बझाङका दुई युवक खैरो हेरोइनसहित कैलालीबाट पक्राउ
बैतडी –बैतडी र बझाङका दुई जना युवक खैरो हेरोइनसहित कैलालीको धनगढीबाट पक्राउ परेका छन् ।
बैतडीको दोगडाकेदार गाउँपालिका–४ घर भई हाल धनगढी उपमहानगरपालिका–४ बस्ने २५ बर्षीय हेमन्त कार्की र बझाङको केदारस्युँ गाउँपालिका –२ घर भई हाल धनगढी उपमहानगरपालिका–२ बस्ने २० बर्षीय पारस रावल पक्राउ परेका हुन् ।
उनीहरुलाई ३२० मिलिग्राम खैरो हेरोइनसहित धनगढी उपमहानगरपालिका–४ संचयकोष कार्यालय नजिकबाट बिहीबार पक्राउ गरिएको हो ।
जिल्ला प्रहरी कार्यालय कैलालीबाट खटिएको प्रहरी टोलीले उनीहरुलाई नियन्त्रण लिएको हो । पक्राउ परेका दुवैजनामाथि थप अनुसन्धान भइरहेको प्रहरीले जनाएको छ ।
प्रकाशित मिति: शुक्रबार, पुस ५, २०८१ ०९:०८
प्रतिक्रिया दिनुहोस्
लोकप्रीय
