बैतडी–सामाजिक क्षेत्रमा क्रियाशील रहेको संस्था नेपाल स्काउटको आयोजनामा बैतडीको डिलाशैनीमा युवा सशक्तीकरण कार्यक्रम सम्पन्न भएको छ । 

स्काउटको सुदूरपश्चिम प्रदेश समितिको आयोजना र डिलाशैनी स्काउट तदर्थ समितिको आयोजनामा एक दिने कार्यक्रम शनिबार सम्पन्न भएको स्काउटका डिलाशैनी संयोजक तेजराज जोशीले बताए । 

युवा सशक्तीकरण कार्यक्रममा युवा नेतृत्वको विकास,युवाहरुलाई सामाजिक क्षेत्रमा परिचालन र स्काउटले गरिरहेका कामहरुको बारेमा जानकारी गराइएको संयोजक जोशीले बताए ।

उक्त कार्यक्रममा स्काउटका सुदूरपश्चिम प्रदेश समिति सदस्य पारस रावल, डिलाशैनी गाउँपालिकाका अध्यक्ष सन्तोषप्रकाश जोशी, उपाध्यक्ष भगीरथ बोहरा, स्काउटका सुदूरपश्चिम प्रदेश प्रमुख आयुक्त नरेन्द्र थापा लगायत स्काउट आवद्ध युवाहरुको सहभागिता रहेको थियो ।