डडेल्धुराको भागेश्वरमा एक पुरुष मृत फेला, नवदुर्गामा एक युवकको डुबेर मृत्यु
डडेल्धुरा –डडेल्धुरामा एक पुरुष मृत फेला परेका छन् । जिल्लाको भागेश्वर गाउँपालिकामा वडा नम्बर ३ का ४५ वर्षीय अर्जुन रावल मृत फेला परेका हुन् ।
जिल्ला प्रहरी कार्यालयका अनुसार उनी सुर्नया गाडको नहरमा मृत भेटिएका हुन् । घटनाबारे प्रहरीले अनुसन्धान गरिरहेको छ ।
यस्तै नवदुर्गा गाउँपालिकामा माछा मार्ने क्रममा डुबेर युवकको मृत्यु भएको छ । नवदुर्गा गाउँपालिका–४ मलपडास्थित सेती नदीमा माछा मार्ने क्रममा २८ वर्षीय रमेशबहादुर बिष्टको मृत्यु भएको हो ।
माछा मार्नको लागि पासो हाल्ने क्रममा पानीमा डुबेका उनलाई उपचारका लागि डडेल्धुरा अस्पताल पुगाइएको थियो । त्यहाँ चिकित्सकले चेकजाँच गर्दा मृत घोषणा गरेका हुन् ।
प्रकाशित मिति: सोमबार, पुस ८, २०८१ ०९:२०
प्रतिक्रिया दिनुहोस्
साताको लोकप्रिय
