डडेल्धुराका एक युवक कञ्चनपुरमा मृत फेला
डडेल्धुरा –डडेल्धुराको आलितालका एक युवक कञ्चनपुरमा मृत फेला परेका छन् । आलिताल गाउँपालिका वडा नम्बर ५ गोलेथरका अन्दाजी २० वर्षीय कृष्ण खडायत कञ्चनपुरमा मृत फेला परेको कञ्चनपुर प्रहरीले जनाएको छ ।
खडायत घरबाट भारत जान्छु भन्दै श्रीमतीसँगै हिँडेका थिए । तर, सिमानाकामा आवश्यक कागजात देखाउन नसकेपछि खडायत दम्पत्तिलाई फर्काइएको थियो । त्यसपछि खडायत परिवार कञ्चनपुरको पुनर्वास नगरपालिका–१० सिद्धदेवी टोलमा आफ्ना काकाको घरमा पुगेका थिए । पारिवारिक जानकारी अनुसार श्रीमान–श्रीमतीबीच सामान्य झगडा परेको थियो । त्यसपछि कृष्ण मृत फेला परेका हुन् ।
खडायतको शव पोस्टमार्टमको लागि धनगढीको सेती प्रादेशिक अस्पतालमा राखिएको छ ।
प्रकाशित मिति: बुधबार, पुस १०, २०८१ १८:१०
प्रतिक्रिया दिनुहोस्
साताको लोकप्रिय
