बैतडी–बैतडीमा बालबालिकाहरुलाई पोषणसम्बन्धी जानकारी दिने उद्देश्यले पोल्ट्री सम्बन्धी वक्तृत्वकला प्रतियोगिता सम्पन्न गरिएको छ । 

स्वस्थ जीवनको आधार, कुखुराको मासु र अण्डाको परिकार भन्ने मूल नाराका साथ दिवस मनाइएको हो । दिवसको अवसरमा पाटन नगरपालिका –स्थित मसानी दलित आधारभूत विद्यालयमा कार्यक्रमको आयोजना गरिएको भेटरेनरी अस्पताल तथा पशु सेवा विज्ञ केन्द्र पाटन, बैतडीले जनाएको छ । 

दिवसको अवसरमा आयोजित वक्तृत्वकला प्रतियोगितामा प्रथम, द्वितीय, तृतीय र सान्त्वना स्थान प्राप्त गर्ने छात्रछात्राहरुलाई पुरस्कारस्वरुप शैक्षिक सामग्री वितरण गरिएको हो । 

कार्यक्रमका प्रमुख अतिथी समेत रहेका जगन्नाथ बहुमुखी क्याम्पसका उपप्राध्यापक मानबहादुर चन्दले विद्यार्थीहरुलाई पुरस्कार वितरण गरेका थिए ।