बैतडी - बैतडीमा राष्ट्रिय एकता तथा पृथ्वी जयन्ती दिवसको अवसरमा बनारसी युवा खेलकुद क्लबद्वारा बनारसी मन्दिर परिसरमा वृक्षरोपण तथा सरसफाइ गरिएको छ । शनिबार राष्ट्रिय एकता तथा पृथ्वी जयन्ती दिवसको अवसरमा क्लबका पदाधिकारी सहित स्थानीयको संयुक्त उपस्थितिमा बनारसी मन्दिर परिसरमा सरसफाइ तथा वृक्षारोपण गरिएको क्लबका अध्यक्ष प्रकाश सिंह भाटले बताए ।

समाज रुपान्तरण संगै नयाँ खेलाडी उत्पादनको लागि काम गरिरहेको बनारसी युवा क्लबले गाउँघरमा युवा युवती तथा किशोर किशोरीलाई खेलकुदका साथै सामाजिक काममा प्रेरित गर्न राष्ट्रिय एकता दिवसको अवसरमा मन्दिर परिसरमा सरसफाइ तथा वृक्षारोपण गरेको अध्यक्ष भाटले बताए ।

सामाजिक कार्यमा सक्रिय रहेको बनारसी युवा खेलकुद क्लबले हरियाली प्रबर्द्धन गरी वातावरण संरक्षणमा योगदान पुर्‍याउने मुख्य लक्ष्यका साथ आयोजित वृक्षरोपण कार्यक्रममा स्थानीय जातका फुलका बोट बिरुवा रोपिएको क्लबका उपाध्यक्ष केशब भाटले जानकारी दिए ।