बैतडीको एक आरनघरमा आगलागी
बैतडी –बैतडीको एक आरनघरमा आगलागी भएको छ ।
जिल्लाको शिवनाथ गाउँपालिका–बसेडी तल्लागाउँका नन्दराम लुहारको आरनघरमा आगलागी भएको वडा अध्यक्ष भरतराम पार्कीले बताए ।
बुधबार राति आरनघरमा आगलागी भएको भएपनि बिहीबार बिहानैमात्रै थाहा पाइएको उनले बताए । आरनघरमा धुँवा आइरहेको छिमेकीले देखेपछि आगलागी भएको थाहा पाइएको हो ।
आगलागीबाट आरनघरको छाना पुरै ध्वस्त भएको र अन्य सामग्रीहरु समेत जलेर नष्ट भएका वडा अध्यक्ष पार्कीले बताए ।
आरनघरमा आगलागी हुँदा अढाई लाख बराबरको क्षति भएको अनुमान गरिएको छ ।
प्रकाशित मिति: बिहीबार, माघ १०, २०८१ १८:५६
प्रतिक्रिया दिनुहोस्
साताको लोकप्रिय
