बैतडीमा जिप दुर्घटना: ६ जना गम्भीर घाइते
बैतडी- बैतडीको सिगास गाउँपालिका १ मा शनिबार बिहान भएको जिप दुर्घटनामा ६ जना गम्भीर घाइते भएका छन्। जिल्ला प्रहरी कार्यालय बैतडीका अनुसार सुपप्र ०१(००१ च ४०२८ नम्बरको जिप गणानबाट इराना जाँदै गर्दा सिगास १ को माँडौ भन्ने स्थानमा दुर्घटनाग्रस्त भएको हो।
प्रहरी निरीक्षक तथा जिल्ला प्रहरी कार्यालय बैतडीका प्रवक्ता बलराम पाण्डेयले दिएको जानकारीअनुसार घाइते हुनेहरूमा १४ वर्षीया जयन्ती धामी, ४० वर्षीय तुलसी धामी, १६ वर्षीया निरा धामी, १९ वर्षीया पार्वती धामी, १८ वर्षीया कमला धामी र १४ वर्षीया धौली धामी रहेका छन्। घाइते सबैको अवस्था गम्भीर रहेको र उनीहरूलाई उद्धार गरी तत्काल उपचारका लागि डडेल्धुरा अस्पताल पठाइएको छ।
जिपमा चालकसहित ८ जना सवार रहेका थिए। दुर्घटनामा परेको जिप सडकबाट करिब ५ सय मिटर तल खसेको जनाइएको छ। घटनाको कारणबारे थप अनुसन्धान भइरहेको प्रहरी प्रवक्ता पाण्डेयले जानकारी दिए।
प्रकाशित मिति: शनिबार, माघ १२, २०८१ ०९:४३
प्रतिक्रिया दिनुहोस्
थप बैतडी
साताको लोकप्रिय
