डडेल्धुरा –डडेल्धुरामा चट्याङ लागेर मृत्यु भएका एकजनाको परिवारलाई नगद राहत वितरण गरिएको छ ।
जिल्लाको परशुराम नगरपालिका–१० मा चट्याङ लागेर मृत्यु भएका अमरबहादुर बिष्टकी श्रीमतीलाई नगद २ लाख राहत प्रदान गरिएको हो । जिल्ला विपद् व्यवस्थापन समितिका तर्फबाट प्रमुख जिल्ला अधिकारी चोमेन्द्र न्यौपानेले मृतक अमरबहादुर विष्टकी श्रीमती पार्वती देवी बिष्टलाई चेक हस्तान्तरण गरेका हुन् ।
जिल्ला विपद् व्यवस्थापन समितिले विपदमा परि मृत्यु भएका व्यक्तिका परिवारलाई २ लाख राहत रकम वितरण गर्ने गरेको छ ।
गएको भदौ १६ गते चट्याङ लागेर बिष्टको मृत्यु भएको थियो ।
यस्तै रुडुक डडेल्धुराले पनि परशुराम नगरपालिका प्रमुख भरत बडायर जोशीमार्फत मृतक बिष्टको परिवारलाई सरसफाई सामग्री वितरण गरेको छ ।
यसअघि परशुराम–८ की प्रतिभा धामीको परिवारलाई पनि विपद् व्यवस्थापन समितिका तर्फबाट २ लाख राहत वितरण गरिएको थियो ।
