दार्चुलामा भीरबाट लडेर प्रधानाध्यापकको मृत्यु
दार्चुला –दार्चुलामा भीरबाट लडेर एकजना प्रधानाध्पाकको मृत्यु भएको छ ।
दार्चुलाको अपिहिमाल गाउँपालिका–६ स्थित भवानी आधारभूत विद्यालयका प्रधानाध्यापक दलबीर महराको शुक्रबार भीरबाट लडेर मृत्यु भएको हो ।
दार्चुलाको मार्मा गाउँपालिका–२ घर भएका महराको विद्यालयबाट घर फर्किने क्रममा भीरबाट लडेर मृत्यु भएको हो । भीरबाट करीब एक सय ५० मिटर तल खसेका महराको घटनास्थलमै मृत्यु भएको अपिहिमाल गाउँपालिकाका अध्यक्ष भक्तसिंह ठेकरे बोहराले जानकारी दिए ।
मृतक महराको घरमा श्रीमती र चारजना छोराछोरी रहेका छन् ।
प्रकाशित मिति: शनिबार, माघ २६, २०८१ १४:११
प्रतिक्रिया दिनुहोस्
साताको लोकप्रिय
