बैतडी – बैतडीमा एक महिला झुण्डिएको अवस्थामा मृत फेला परेकी छिन् । जिल्लाको पाटन नगरपालिका वडा नम्बर ५ कुलडाकी अन्दाजी २६ बर्षीय चन्दा लुहार बाँजको रुखमा झुण्डिएको अवस्थामा मृत फेला परेकी जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले बताए ।
सोमबार साझ बन्सेला भन्ने जङ्गलमा लुहार झुण्डिएको अवस्थामा मृत फेला परेकी बताइएको छ । झुण्डिएको अवस्थामा लुहारको शव फेला परेपछि आफन्त र गाउँलेहरुले प्रहरीलाई खबर गरेका थिए । प्रहरीलाई खबर गरेपछि घटना स्थल जाचबुच गरेको जिल्ला प्रहरी कार्यालय बैतडीका प्रवक्ता प्रहरी निरीक्षक पाण्डेयले बताएका छन ।
बाँजको रुखमा झुण्डिएको अवस्थामा मृत फेला परेकी लुहारको शव घटना स्थल जाचबुझ पछि पोष्टमार्टमका लागि प्राथमिक स्वास्थ्य केन्द्र पाटनमा राखिएको छ । मृत्युको कारण भने खुली नसकेको र घटनाको थप अनुसन्धान भैरहेको प्रहरीले जनाएको छ ।
