बैतडीमा बाघको आक्रमणबाट एक जना घाइते
बैतडी — मेलौली नगरपालिका–३ का ३८ वर्षीय गणेश सिंह भाट बाघको आक्रमणबाट घाइते भएका छन्। सोमबार बिहान करिब १०ः३० बजे बाख्रा चराउन गएका बेला कोला खोला जंगल क्षेत्रमा उनीमाथि बाघले आक्रमण गरेको हो।
मेलौली नगरपालिका वडा नम्बर ३ का वडा अध्यक्ष गगन सिंह भाटका अनुसार बाघले पछाडिबाट आक्रमण गर्दा गणेश सिंह भाट घाइते भएका थिए। आक्रमणको क्रममा भाटले आफूसँग रहेको हसियाँ प्रयोग गरी बाघलाई हानेर भाग्न सफल भएका थिए।
घाइते भाटलाई तत्काल प्राथमिक उपचारपछि थप उपचारका लागि पाटन पठाइएको अध्यक्ष भाटले जानकारी दिएका छन्। बाघको आक्रमणपछि स्थानीयवासीमा त्रासको वातावरण सिर्जना भएको छ।
प्रकाशित मिति: सोमबार, फागुन १२, २०८१ १३:२९
प्रतिक्रिया दिनुहोस्
थप बैतडी
साताको लोकप्रिय
