भरुवा बन्दुक सहित बैतडीको दोगडाकेदारका बिष्ट पक्राउ
बैतडी - बैतडीमा भरुवा बन्दुक र जंगली जनावरको छालासहित बिशेष सूचनाको आधारमा अस्थायी प्रहरी पोष्ट तल्लादेहीबाट खटिएको प्रहरी टोलिले एक जना बन्दुक धारिलाई प्रक्राउ गरेको छ ।
पक्राउ पर्नेमा जिल्लाको दोगडाकेदार गाउँपालिका वडा नम्बर ८ चौरथली कालागाउ घर भएका ५१ वर्षीय पाल बिष्ट रहेका जिल्ला प्रहरी कार्यालय बैतडीले जनाएको छ ।
मंगलबार घरबाटै पक्राउ परेका बिष्टले इजाजत बिना नै घरमा बन्दुक राखेर सिकार गर्ने गरेको पाइएको छ । पक्राउ परेका बिष्टको साथबाट भरूवा बन्दुक, बन्दुकमा लाग्ने सिसाका ७ राउण्ड गोलि, २ थान घोरलको छाला, र २ थान रतुवाको छाला बरामद गरिएको जिल्ला प्रहरी कार्यालय बैतडीका प्रवक्ता, प्रहरी निरीक्षक बलदेव बडूले बताए ।
प्रकाशित मिति: बुधबार, फागुन २१, २०८१ ०९:४४
प्रतिक्रिया दिनुहोस्
थप बैतडी
साताको लोकप्रिय
