बैतडी –स्वतन्त्र विद्यार्थी युनियनको निर्वाचनमा बैतडीको शिवनाथस्थित ग्राम प्रकाश बहुमुखी क्याम्पसमा नेविसंघ र अनेरास्ववियुका उम्मेदवार भिड्ने भएका छन् । स्ववियु नेतृत्वका लागि दुवै संगठनहरुले अलग–अलग उम्मेदवारी दर्ता गरेको क्याम्पस प्रमुख महामलसिंह साउँदले बताए ।
स्ववियु सभापतिका लागि नेविसंघकातर्फबाट कविता साउँद र अनेरास्ववियुकातर्फबाट सरीता साउँदको उम्मेदवारी दर्ता भएको छ । यस्तै सचिव पदमा नेविसंघकी अस्मिता महर र अनेरास्ववियुका विरेन्द्र साउँद, कोषाध्यक्ष पदमा नेविसंघकी रतना साउद र अनेरस्ववियुकी कल्पना पार्कीको उम्मेदवारी दर्ता भएको क्याम्पस प्रमुख साउदले बताए ।
यस्तै सदस्य पदका लागि नेविसंघकातर्फबाट बाटिका साउद, हिमा कलौनी र रुमला साउँदको उम्मेदवारी दर्ता भएको छ । यसैगरेर अनेरास्ववियुकातर्फबाट सुवास पार्की, विजय महता र यशोदा महताको उम्मेदवारी दर्ता भएको छ ।
समानुपातिकतर्फ नेविसंघका करिश्मा साउद, सन्तोषी साउद, पार्वती साउद, मनिषा चाड र माया कलौनीको उम्मेदवारी दर्ता भएको भने अनेरास्ववियुकातर्फबाट दिपिका साउद, शारदा साउद, सुनिता साउद, बिमला साउद र केशव साउदको उम्मेदवारी दर्ता भएको छ ।
चैत ५ गते हुने स्ववियु निर्वाचनका लागि ग्राम प्रकाश बहुमुखी क्याम्पसमा ९५ जना विद्यार्थी मतदाता रहेका छन् ।
