नेपालले बैतडीका नरेन भट्टको कप्तानीमा १९ वर्षमुनिको विश्वकप क्रिकेट एशिया छनोट खेल्ने
बैतडी–नेपालले नरेन भट्टको कप्तानीमा आईसीसी १९ वर्षमुनिको विश्वकप क्रिकेट एशिया छनोट खेल्ने भएको छ । बैतडीको मेलौली घर भएका भट्टलाई नेपाल क्रिकेट सङ्घ (क्यान) ले हिजो कप्तानको जिम्मेवारी दिएको हो । टोलीको उपकप्तानमा अभिषेक तिवारी रहेका छन् ।
१९ वर्षमुनिको विश्वकप एशिया छनोट क्रिकेट आउँदो अप्रिल १२ देखि २१ तारिखसम्म काठमाण्डौमा हुनेछ । घरेलु टोली नेपालसहित अफगानिस्तान, हङकङ, ओमान र यूएईले छनोट खेल्नेछन् । बन्द प्रशिक्षणमा रहेका १८ खेलाडीबाट अन्तिम १४ सदस्यीय टोलीको घोषणा हुने क्यानले जनाएको छ ।
टोलीको मुख्य प्रशिक्षकमा शक्ति गौचन छन् । नेपालको युवा टोलीले एशिया छनोट अघि अफगानिस्तानसँग एकदिवसीय अन्तर्राष्ट्रिय शृङ्खला खेल्ने छ ।
प्रकाशित मिति: मंगलबार, चैत ५, २०८१ ०७:३७
प्रतिक्रिया दिनुहोस्
थप बैतडी
साताको लोकप्रिय
