पाटन नगरपालिकाको प्रमुख प्रशासकीय अधिकृतमा बिष्ट
बैतडी–बैतडीको पाटन नगरपालिकाको प्रमुख प्रशासकीय अधिकृतमा नारायणबहादुर बिष्टलाई खटाईएको छ । प्युठानको झिमरुक गाउँपालिकामा प्रमुख प्रशासकीय अधिकृत पदमा कार्यरत बिष्टलाई पाटन नगरपालिकाको प्रमुख प्रशासकीय अधिकृतमा खटाइएको संघीय मामिला तथा सामान्य प्रशासन मन्त्रालयले जनाएको छ ।
मन्त्रालयले पाटनको प्रमुख प्रशासकीय अधिकृतमा खटाएका सुवास पौडेल हाजिर नहुँदै सरुवा भएपछि बिष्टलाई पाटनमा खटाएको पत्र प्राप्त भएको कार्यवाहक नगर प्रमुख हरिश बिष्टले जानकारी दिए ।
पाटन नगरपालिकाका प्रमुख प्रशासकीय अधिकृत अम्मरराज जोशीको सरुवा भएपछि नगरपालिका प्रमुख प्रशासकीय अधिकृत विहिन भएको थियो ।
प्रकाशित मिति: बुधबार, चैत १३, २०८१ १९:३७
प्रतिक्रिया दिनुहोस्
थप बैतडी
