डडेल्धुरामा जिपबाट खसेर एक महिलाको मृत्यु
डडेल्धुरा –डडेल्धुरामा जिपबाट खसेर एक महिलाको मृत्यु भएको छ ।
अमरगढी नगरपालिका–८ डकलेमा जिपबाट खसेर अमरगढी नगरपालिका–८ की २६ वर्षीया निर्मला भुलको मृत्यु भएको जिल्ला प्रहरी कार्यालय डडेल्धुराले जनाएको छ ।
आईतबार दिउँसो साढे ४ बजे डडेल्धुरा सदरमुकामबाट बैतडीका लागि हिँडेको से १ ज ७३९ नम्बरको जिपबाट ओर्लिने क्रममा खसेर निर्मला गम्भीर घाइते भएकी थिइन् ।
घाइते निर्मलाको उपचारका क्रममा डडेल्धुरा अस्पतालमा साँझ सवा ५ बजेतिर मृत्यु भएको जिल्ला प्रहरी कार्यालय डडेल्धुराका प्रवक्ता, प्रहरी निरीक्षक उपेन्द्रबहादुर बमले जानकारी दिए ।
जिप र जिप चालक बैतडीको सिगास गाउँपालिका–५ ढुंगाडका ४० बर्षीय रामसिंह धामीलाई प्रहरीले नियन्त्रणमा लिएको जनाएको छ ।
प्रकाशित मिति: आइतबार, चैत १७, २०८१ २०:००
प्रतिक्रिया दिनुहोस्
साताको लोकप्रिय
