बैतडी– नेपाल विद्युत प्राधिकरण बैतडी वितरण केन्द्रले विद्युत महसुल समयमा तिर्न उपभोक्तालाई आग्रह गरेको छ। लामो समयसम्म बक्यौता तिर्न नसकेका ग्राहकको लाइन काट्ने कार्य भैरहेको हुँदा समयमा नै महसुल तिर्न सूचना जारी गरिएको हो।
वितरण केन्द्रद्वारा जारी सूचनामा अनलाइन माध्यमबाट महसुल तिर्दा समय र पैसाको बचत हुने भन्दै प्रयोग गर्नसमेत आग्रह गरिएको छ। यस एपको प्रयोगबाट महसुलको साथै विद्युतसँग सम्बन्धित सम्पूर्ण जानकारी पाउन सकिने बताइएको छ।
त्यसैगरी, वर्षा, हावाहुरी वा यथार्थको कारणले विद्युत लाइनको पोल, तार वा स्टेबाट कुनै प्रकारको दुर्घटनाको सम्भावना भएमा नजिकको वितरण केन्द्रमा तुरुन्त जानकारी दिन आग्रह गरिएको छ।
नेपाल विद्युत प्राधिकरणले विद्युत आपूर्तिको सुरक्षा र नियमितताका लागि उपभोक्तालाई सहकार्य र जिम्मेवारीपूर्वक महसुल तिर्न तथा सम्भावित जोखिमका घटनामा सतर्कता अपनाउन पुनः आग्रह गरेको छ।
