गोविन्द पन्त - पीडा : हरेक वर्ष एसइई सुरु हुन्छ अनि सकिन्छ । सोही अनुसार यो वर्षको एसइई पनि सुरु भयो र सकियो । तर एसइई दिएका सबै विद्यार्थीमा एकनासको उत्साह पनि छैन । सबै निरुत्साहित पनि छैन्न । संगै एसइई दिएका विद्यार्थी कोहि उच्च शिक्षाको नाममा विदेशीने पर्खाइमा छन त कोहि आमा बुबाको सपना र आफ्ना सपनालाई थाती राखेर, साहुको ॠण तिर्न अनि भोको पेट भर्न विदेशीने तयारीमा छन । 

एसइई सकिने बित्तिकै हरियो राहादानीको प्रक्रियामा लागेका ती युवा युवती केही दिनमा अब हरियो राहादानी बोकेर म्यान-पावर धाउने छन । पछिल्लो समयको यो नौलो कुरा त पक्कै हैन ।  म्यान पावर संगको नाता अनि हरियो भाग्य रेखा कोरियाका नेपालीको तितो सत्य यहि हो । हरियो राहादानी लिने अनि म्यान - पावर धाउने , म्यान पावरले अन्तर्वार्तामा पास भयो त मेडिकल गर्छ । केही समय पश्चात म्यानपावर बाट फोन आउछ - तिम्रो भिषा आयो । यो मितिको फ्लाइट छ । पैसा लिएर, बिदा वारि भई काठमाण्डाै आउ !

भिषाको पर्खाइमा रहेको युवक खुसिको सिमा रहन्न । हतार हतार साथिभाइलाई पार्टि दिन्छ। मेरो भिषा आयो । तेहि समय भिषा आयो तर पैसा छैन। जाने खर्च सके आफै जुटायो, नसके आफन्तको खुट्टा ढोग्यो नभए सहकारि संस्था/बैंक बाट चर्को ब्याजमा लालपुर्जा धितो राखि पैसा निकाल्छ। नयाँ झोला अनि केही कपडा किन्छ। आमाले माया गरेर केही अचार अनि भुटेको मकै पोको पार्दिन्छिन्। अनि म्यानपावर गई पैसा बुजाई कागजपत्र लिइ एयरपोर्ट पुग्छ । केहिक्षण रूवाबासि चल्छ अनि प्लेन चढ्छ।

मनमा केही उत्साह, सपना अनि केही डर ! नयाँ  ठाउँ, नया परिबेश, टन्न पैसा कमाएर घर फर्किने सपना बुन्दै प्लेनबाट काठमाडौंलाई नियाल्दै आँखा भरि आशु लिई उड्छ। अर्को तिर नयाँ देश, नयाँ कानुन, कस्तो काम, कति घण्टा काम, कति बेला खाने, कुनबेला सुत्ने, नयाँ  मान्छे, नयाँ संगत, यस्तै यस्तै तनाबले पाईला टेक्छ प्रदेशको कर्मभुमीमा !

खाडिको तातो घाम, १२ घण्टा कामको दु:ख, कम्पनिको पेलाई, महिना मर्छ तलब पाउदैन । अनि बिछोडको पीडा ! यति मात्रै कहाँ हुन्छ । मरेर काम गरे स्याबासि नत्र सिधै घर ! स्याबासि पाए साहुको रिन तिरियो नत्र तनाब !  हप्तामा १ दिन छुट्टि ६ दिनको अपुग निद्रा अनि त्यो दिन पनि सरसफाइमा नै बित्छ। त्यसपछि इमो, भाइबर वा म्यासेन्जरमा च्याट संगै घरमा फोन गर्यो ।

आमा भन्छिन् - बाबू साहु पैसा माग्न आएको थियो । मेरो पनि दमको औषधि सकेको छ। भाई बहिनिको स्कुलको बिल आएको छ पैसा कहिले पठाउंछस् ? श्रीमती हुने हरुको - श्रीमती भन्छिन् - पल्लाघरे जेठिले अस्ति ४ तोलाको सुनको सिक्रि किनेको छ । अनि १० हजारको साडि लाएको छ। मलाई खै त किन्देको, हजुरले त मलाई माया नै गर्नु हुन्न है ? अनि फेरि भाइबहिनिको नाना थरिको डिमाण्ड ! श्रीमतीलाई समय दिन नसक्दा उता श्रीमती संगको खटपट ! प्रेममा हुनेलाई झन गाह्रो-  प्रेम सम्बन्धसंगलाई टिकाउनै गाह्रो। अर्कैसंग बिवाह हुने प्रेसर! फोनमा टर्चर, रूवाबासि, घर खर्च, बैंकको ऋण, भाई बहिनी माथिको जिम्मेवारी......! तेहि बेला फोन संवाद सकिन्छ अनि मन शान्त गर्न बजाउछन गित ।

सुन साइलि साइलि परदेशबाट म आउला  ! सुन साइलि चालिस कटेसि रमाउंला !!

#प्रदेशी… जिन्दगी !