एकीकृत समाजवादीको सुदूरपश्चिम अध्यक्षमा खड्का
कैलाली –माधव कुमार नेपाल नेतृत्वको नेपाल कम्युनिष्ट पार्टी (एकीकृत समाजवादी)को सुदूरपश्चिम प्रदेश अध्यक्षमा लालबहादुर खड्का चयन भएका छन् ।
पार्टीको प्रथम प्रदेश अधिवेशनले खड्काको नेतृत्वमा सर्वसम्मत रूपमा नयाँ प्रदेश कमिटी चयन गरेको हो ।
खड्का नेतृत्वको कमिटी धनबहादुर बोहरा र शिवबहादुर कुँवरलाई उपाध्यक्षमा चयन गरिएको छ । यस्तै सचिवमा सुरेन्द्रमान कार्की चयन भएका छन् भने उपसचिवमा गणेश साउद, राधिका अवस्थी र गोरख सार्की चयन भएका छन् ।
नवनिर्वाचित अध्यक्ष खड्काले पार्टीको संगठन सुदृढीकरण र सुदूरपश्चिम प्रदेशको विकासका लागि सक्रिय रूपमा काम गर्ने प्रतिबद्धता व्यक्त गरेका छन् ।
प्रकाशित मिति: बुधबार, चैत २०, २०८१ ०९:५९
प्रतिक्रिया दिनुहोस्
साताको लोकप्रिय
