बैतडी –सन नेपाल लाइफ इन्स्योरेन्स कम्पनी लिमिटेडले मृत्यु दाबी भुक्तानी गरेको छ ।
बैतडीको दशरथचन्द नगरपालिका –५ का बिमिति दिनेशराम टमाटाको मृत्यु भएपछि उनकी श्रीमती मृत्यु दाबी भुक्तानी गरिएको हो ।
दिनेशले दुई बर्ष अगाडि सन नेपाल लाइफ इन्स्योरेन्स कम्पनी लिमिटेडमा २ लाख ३० हजार बराबरको बीमा गरेका थिए । बीमा रकमको दुई किस्ता तिरेका टमाटाको गत पौषमा निधन भएपछि कम्पनीका तर्फबाट मृत्यु दाबी भुक्तानी गरिएको सन नेपाल लाइफ इन्स्योरेन्स बैतडी उपशाखाकी प्रमुख बिष्ना चन्दले बताइन् ।
दिनेशकी श्रीमती रेखा टमाटालाई बुधबार एक कार्यक्रमकाबीच २ लाख ८९ हजार बराबरको चेक हस्तान्तरण गरिएको उनले बताइन् । २ लाख ३० हजारको बीमा रकम, ५० हजार किरिया खर्च र ९ हजार बोनसहित उनलाई चेक हस्तान्तरण गरिएको हो ।
सन नेपाल लाइफ इन्स्योरेन्सका सुदूरपश्चिम उपप्रमुख हर्कबहादुर बोहरा, बैतडी उपशाखा प्रमुख बिष्ना चन्द, अन्डरराइटिङ कर्मचारी सुमित्रा चन्द लगायतको उपस्थितीमा टमाटालाई चेक हस्तान्तरण गरिएको हो ।
सन् नेपाल लाइफ इन्स्योरेन्सले मृत्यु दाबी भुक्तानी गरेकाले घरपरिवार सम्हाल्न केही सहज हुने रेखा टमाटाले बताइन् । एक छोरा र एक छोरीकी आमा रहेकी रेखा श्रीमानको मृत्युपछि समस्यामा परेकी छन् । बीमा गरेकै कारण केही राहत भएको उनले बताइन् ।
श्रीमानको मृत्युपछि समस्यामा परेकी रेखालाई सन नेपाल लाइफ इन्स्योरेन्सका अभिकर्ताहरुले केही खाद्यान्न समेत सहयोग गरेका छन् ।
यसैबीच सन नेपाल लाइफ इन्स्योरेन्सले अभिकर्ताहरुसंग बीमाका बिषयमा छलफल समेत गरेको छ । बीमाले पुर्याउने फाइदा र नागरिकलाई बीमामा आवद्ध गराउनका लागि अभिकर्ताहरुको भूमिकाका बिषयमा छलफल भएको उपशाखा प्रमुख चन्दले बताइन् ।
उक्त कार्यक्रममा प्रदेश उपप्रमुख बोहराले सहजीकरण गरेका थिए ।
