बैतडी अस्पताल व्यवस्थापन समिति अध्यक्ष भट्टको कार्यकाल पूरा, गरियो बिदाई
बैतडी–जिल्ला अस्पताल बैतडीको व्यवस्थापन समितिकी अध्यक्ष पार्वती भट्टको बिदाई गरिएको छ ।
दुई कार्यकाल सफलतापूर्वक सम्पन्न गरेकी भट्टको बिहीबार एक कार्यक्रमको आयोजना गरेर अस्पतालले बिदाई गरेको हो ।
भट्टले आफ्नो कार्यकालमा उत्कृष्ट काम गरेको र अस्पतालले सम्मानसहित बिदाई गरेको अस्पतालका सूचना अधिकारी हरिश पन्तले बताए ।
भट्टको कार्यकालमा जिल्ला अस्पताल न्यूनतम सेवा मापदण्डमा उत्कृष्ट भएको थियो भने कोरोनाको समयमा पीसीआर ल्याब स्थापना गरिएको थियो ।
आफ्नो कार्यकालमा अस्पतालमा १६ जना चिकित्सक ल्याउन सफल भएको बताउँदै भट्टले सबैको सहयोग पाएको बताइन् ।
१५ शैय्याको अस्पतालमा ५० शैय्याको अस्पताल सञ्चालन गर्न सकिने संरचना भएकाले अस्पतालले सोही अनुसार सेवा दिइरहेको उनले बताइन् ।
प्रकाशित मिति: शुक्रबार, चैत २२, २०८१ १४:४६
प्रतिक्रिया दिनुहोस्
साताको लोकप्रिय
