बैतडी - जाजरकोट केन्द्र बिन्दु भएर भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका अनुसार शुक्रबार राति ८ बजेर सात मिनेट जाँदा ५.२ म्याग्निच्युडको भूकम्प गएको जानकारी दिए । भूकम्पबाट क्षति भए नभएको बारे भने थप जानकारी आउन बाँकी रहेको केन्द्रले जनाएको छ ।
यस अघि बैतडीको सिगास गाउँपालिका–७ न्वाघर केन्द्रबिन्दु भएर ४.६ रेक्टर स्केलको भूकम्प गएको गएको थियो। लामो समयदेखि ठूलो भूकम्प नगएकाले भूकम्पको जोखिममा रहेको पश्चिमी क्षेत्रको सुदूरपश्चिम र कर्णालीका जिल्लाहरुमा आजसम्म ४ रेक्टर स्केल भन्दामाथिका भूकम्प जाने दर बढदै गएको राष्ट्रिय भूकम्प मापन तथा अनुसन्धान केन्द्रको तथ्यांकले देखाएको छ ।
नेपाल हिमालय क्षेत्र भएकाले भुकम्पको उच्च जोखिममा रहन्छ । नेपालमा ठूलो भुकम्प २०७२ वैशाख १२ गते शनिबार नेपाली समय अनुसार ११:५६ मिनेटमा लगभग ३४ किलो मिटर (२१ माइल) दक्षिणपूर्व बार्पाकलाई केन्द्रविन्दु बनाई ७.८ रेक्टर स्केलको भूकम्प, १५ किलोमिटर (९.३ माइल) गहिराइमा रहेर गएको थियो । जुन विसं १९९० को महाभूकम्प पछिको सबैभन्दा ठूलो भूकम्प थियो। त्यसपछि भने नेपालका पश्चिमी भु भागमा साना तथा मझौला भुकम्प गएका भएपनि लगभग ५ सय बर्ष देखि ठूलो भुकम्प नगएको हुदा शुदुरपश्चिम र कर्णाली प्रदेश भुकम्पको उच्च जोखिममा रहेका छन ।
