बैतडी–बैतडीको पाटन नगरपालिका–३ स्थित सिगास मावि गौरीशंकर पोखरीको विद्यालय व्यवस्थान समिति अध्यक्षमा पुनः प्रेमसिंह भाट चयन भएका छन् । शनिबार विद्यालयमा भएको अभिभावकहरुको भेलाले भाटको अध्यक्षतामा नयाँ व्यवस्थापन समिति चयन गरेको हो ।
उक्त समितिको सदस्यमा किरणसिंह महरा, निर्मला केसी,गोमती महरा र वसन्ती बिष्ट चयन भएका छन् भने दिपेन्द्र खत्री पदेन सदस्य रहेका छन् । यस्तै विद्यालयका प्रधानाध्यापक मानबहादुर चन्द समितिको सदस्य सचिव रहेका विद्यालय व्यवस्थापन समिति अध्यक्ष भाटले बताए ।
विद्यालयको चौतर्फी विकासका लागि आफू नेतृत्वको समितिले सक्रियतापूर्वक काम गर्ने अध्यक्ष भाटले बताए । विद्यालयको शैक्षिक, भौतिक र आर्थिक गुणस्तर सुधारका लागि पहल गर्ने उनले प्रतिबद्धता जनाए ।
अभिभावक भेलामा पाटन नगरपालिका–३ का वडा अध्यक्ष करुणाकर भट्ट, शिक्षा शाखाका प्रतिनिधि बिर्खराज भट्ट लगायतका सरोकारवालाहरुको सहभागिता रहेको थियो ।
यस्तै भेलाले डम्मरदत्त पन्तको संयोजकत्वमा ११ सदस्यीय सल्लाहकार समिति समेत गठन गरेको छ ।
