बैतडी–बैतडीको सुर्नया गाउँपालिका वडा नं ५ मा राष्ट्रिय प्रजातन्त्र पार्टी (राप्रपा)ले वडा समिति विस्तार गरेको छ । जयबहादुर मडैको अध्यक्षतामा २५ सदस्यीय वडा समिति गठन गरेको राप्रपाका सम्पर्क समाज समन्वय विभाग सदस्य केशव चन्दले बताए ।
सुर्नया गाउँपालिका वडा नं ५ को कठेगौंडामा आज भएको भेलाले वडा समिति गठन गरेको हो । जयबहादुर मडैको अध्यक्षतामा भएको भेलामा राप्रपाका युवा नेता एवं अभिनेता भुपेन्द्र चन्द प्रमुख अतिथी रहेका थिए ।
राप्रपाले वडा अधिवेशन सम्पन्न गर्ने कार्यक्रम अनुसार बुधबारदेखि सुर्नयाका वडाहरुमा अधिवेशन भइरहेको समन्वय विभाग सदस्य चन्दले बताए ।
यसअघि वडा नं १,२, ३ र ४ मा वडा समिति विस्तार भइसकेको राप्रपा बैतडीका अध्यक्ष इन्द्रदेवशरण भट्टले बताए ।
जिल्लाभरीका ८४ ओटै वडामा वडा अधिवेशन सम्पन्न गर्ने योजना अनुसार वडाहरुमा समिति गठन गर्ने कार्य भइरहेको उनले बताए ।
