दार्चुला –दार्चुलामा स्थानीय तहको निर्वाचनमा नेपाली कांग्रेसबाट वडा अध्यक्ष जितेका एकजना नेकपा एमालेको पालिका कमिटि अध्यक्ष बनेका छन् ।

जिल्लाको व्यास गाउँपालिका वडा नं ५ को वडा अध्यक्षमा कांग्रेसबाट निर्वाचित मंगलसिंह धामी एमालेको अधिवेशनबाट एमालेको पालिका कमिटी अध्यक्षमा चयन भएका हुन् ।

बिहीबार सम्पन्न एमाले व्यास गाउँपालिकाको अधिवेशनले मंगलसिंह धामी अध्यक्ष र नारददत्त भट्ट सचिव रहने गरी ९१ सदस्यीय कमिटी चयन गरेको एमाले दार्चुलाले जनाएको छ । 

गत १० असोजमा भएको नेपाली कांग्रेसको पालिका अधिवेशनमा मंगलसिंहले गाउँपालिका सभापतिमा दाबी गरेका थिए । पालिका सभापतिमा पराजय बेहोरेपछि धामी गएको असोज १७ मा एमालेमा प्रवेश गरेका थिए ।