दार्चुला –कोरोना संक्रमण पुष्टि भएर शरीरमा अक्सिजनको मात्रा कम भएपछि दार्चुलाबाट एक जना नेपाली सेनाका नायकलाई सिम्रिक हेलिकप्टरमार्फत काठमाण्डौँ लगिएको छ ।

जिल्ला अस्पताल दार्चुलामा आइसियु नभएका कारण उनलाई रेफर गरिएको हो । संक्रमित पुरुषको शरीरमा अक्सिजनको मात्रा निकै कम भएपछि उनलाई काठमाण्डौं रेफर गरिएका जिल्ला अस्पताल दार्चुलाका सूचना अधिकारी डम्बरदत्त भट्टले जानकारी दिए  ।

४५ बर्षीय ती पुरुषमा वैशाख १५ गते जिल्ला अस्पतालमा गरिएको एन्टिजेन परीक्षणमा कोरोना पुष्टि भएको थियो । दार्चुलामा हालसम्म कोरोना संक्रमितको संख्या ५२ पुगेको छ ।