बैतडी–नेपाली कांग्रेसको १४ औं महाधिवेशन अन्तर्गत शनिबार सम्पन्न भएको प्रदेश क्षेत्रीय अधिवेशनबाट क्षेत्र नं (ख) मा १७ जना प्रदेश अधिवेशन प्रतिनिधि विजयी भएका छन् । विजयी भएका सबै चतुरबहादुर चन्द प्यानलका उम्मेद्वार रहेका बताइएको छ । क्षेत्र नं (ख) मा भट्ट प्यानलबाट प्रदेश अधिवेशन प्रतिनिधिमा कोही पनि विजयी नभएको बताइएको छ ।
चन्द प्यानलबाट टेकराज जोशी, ध्वजबहादुर कार्की, नरेन्द्रसिंह भण्डारी, प्रकाशबहादुर चन्द, मानबहादुर भाट, शेरबहादुर चन्द र सुदर्शन बोहरा प्रदेश अधिवेशन प्रतिनिधिमा निर्वाचित भएका छन् ।
यस्तै कमला चन्द, जयन्ती बोहरा, राजु भट्ट, नरेन्द्रदत्त जोशी, प्रयागराज भट्ट, भीम नाथ, प्रेरणा शाही थापा, सुनिता कुमारी धामी, गणेश दमाई र लक्ष्मणदत्त पन्त पनि चन्द प्यानलबाटै प्रदेश अधिवेशन प्रतिनिधिमा निर्वाचित भएका मतदान अधिकृत घनश्याम लेखकले बताए ।
