दार्चुला –कोरोना संक्रमणका कारण स्वास्थ्य समस्या देखिएर दार्चुलाबाट आइतबार काठमाण्डौं लगिएका नेपाली सेनाका नायकको उपचारको क्रममा काठमाण्डौंमा मृत्यु भएको छ । शरीरमा अक्सिजनको मात्रा कम भएपछि नायकलाई उपचारकोलागि दार्चुलाबाट काठमाण्डौँ लगिएको थियो ।

जिल्ला अस्पताल दार्चुलामा उपचार हुन नसकेपछि सिम्रिक हेलिकप्टरमार्फत काठमाण्डौ रिफर गरिएका नायकको मृत्यु भएको स्वास्थ्य कार्यालय दार्चुलाले जनाएको छ । नेपाली सेनामा कार्यरत दार्चुलाको ब्याँस गाउँपालिका घर भएका ४५ वर्षीय ति नायकको सोमबार मुत्यु भएको स्वास्थ्य कार्यालय दार्चुलाका कोरोना भाइरस सम्पर्क व्यक्ति बिरेन्द्रराज भट्टले बताए  ।

यहि वैशाख १५ गते जिल्ला अस्पतालमा गरिएको एन्टिजेन परीक्षणमा उनमा कोरोना पोजेटिभ आएको थियो । केहि दिन पहिले दार्चुलाको मालिकार्जुन घर भइ डडेल्धुरामा कार्यरत एक जना शिक्षकको समेत उपचारको क्रममा धनगढीमा मृत्यु भएको थियो । कोरोनाको दोस्रो लहर फैलिएपछि दार्चुला घर भएका दुई जना संक्रमितको मृत्यु भएको छ ।