बैतडीमा जिप दुर्घटना हुँदा २ जना घाइते
बैतडी–बैतडीमा जिप दुर्घटना हुँदा दुई जना समान्य घाइते भएका छन् । देहीमाण्डौंबाट गिरेगडा तर्फ गईरहेको म १ ज २२४ नम्बरको जिप दशरथचन्द नगरपालिका ९ भट्टाड भन्ने स्थानमा सोमबार राती ९ बजेतिर दुर्घटनामा परेको हो ।
दुर्घटनामा जिप चालक पञ्चेश्वर गाउँपालिका ५ का २१ बर्षीय नरेश लुहार र सोही ठाउँकी १६ बर्षीया कविता चन्द समान्य घाइते भएका जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए । उनीहरुको जोशीबुंगा स्वास्थ्यचौकीमा उपचार भईरहेको छ ।
चालक सहित १२ जना सवार रहेको जिपका अन्य यात्रु भने सकुशल रहेका छन् । जिप सडकबाट ५० मिटर तल खसेको छ । दुर्घटनाको कारण भने खुल्न सकेको छैन् ।
प्रकाशित मिति: सोमबार, मंसिर ६, २०७८ २२:०४
प्रतिक्रिया दिनुहोस्
थप बैतडी
लोकप्रीय
