बैतडी–नेपाली कांग्रेसको १४ औं महाधिवेशन अन्तर्गत बैतडीमा नयाँ नेतृत्व चयनका मतदान शुरु भएको छ । नयाँ नेतृत्व चयनका लागि सहमति नभएपछि बैतडीमा चुनाव हुन लागेको हो । कांग्रेसको नयाँ नेतृत्व चयनका लागि १ हजार ४०९ जना प्रतिनिधिले भोट हाल्ने निर्वाचन अधिृकत पुष्पराज जोशीले बताए ।
बैतडीमा शिवराज भट्टको नेतृत्वमा संस्थापन पक्ष र चतुरबहादुर चन्दको नेतृत्वमा पौडेल पक्ष चुनावी मैदानमा रहेको छ । चन्द प्यानललाई पौडेल पक्ष भने पनि उनीहरुले आफूहरु संयुक्त संस्थापन पक्ष भएको दाबी गरेका छन् ।
सभापति पदका लागि शिवराज भट्ट र चतुरबहादुर चन्द चुनावी मैदानमा छन् । यस्तै भट्ट प्यानलबाट उपसभापति पदका लागि बीरबहादुर बिष्ट र हरिसिंह धामी चुनावी मैदानमा छन् भने चन्द प्यानलबाट रमेश पाण्डेय र खगेन्द्रसिंह धामी चुनावी मैदानमा छन् ।
यस्तै भट्ट प्यानलबाट सचिव पदका लागि रमेशसिंह भण्डारी र कर्णबहादुर बोहरा चुनावी मैदानमा छन् भने चन्द प्यानलबाट प्रेमबहादुर चन्द र देवराज जोशी चुनावी मैदानमा छन् ।
यस्तै सहसचिवमा पदमा भट्ट प्यानलबाट रमेश कोली र घनश्याम भट्टको उम्मेद्वारी दर्ता भएको छ भने चन्द प्यानलबाट दिपेन्द्रबहादुर चन्द र दशरथसिंह चाडको उम्मेद्वारी दर्ता भएको छ । महाधिवेशन प्रतिनिधिमा पनि दुवै प्यानलले अलग अलग उम्मेद्वारी दर्ता गराएका छन् ।
