सर्लाहीमा कांग्रेस अधिवेशन : झडपमा मतदान अधिकृतसहित चार प्रहरी घाइते
सर्लाही – सर्लाहीको बलरामा नेपाली कांग्रेसको वडा अधिवेशन स्थल राख्ने विषयमा विवाद हुँदा झडप भएको छ ।
झडपमा परेर मतदान अधिकृतसहित चार जना प्रहरी र केही कार्यकर्ता घाइते भएका प्रहरीले जनाएको छ । संस्थापन इतर पक्षले मतदान अधिकृत उमेशचन्द्र झालाई वडा कार्यालयमा लैजान खोजेपछि प्रहरीसँग झडप भएको हो । मतदान अधिकृत झाको टाउकोमा सामान्य चोट लागेको छ ।
प्रहरीले स्थिति नियन्त्रणमा लिन केही सेल अश्रुग्यास प्रहार गरेको छ ।
घाइतेको जिल्ला अस्पतालमा मलंगवा उपचार भइरहेको छ । यसअघि हिजो आइतवार पनि बलरा नगरपालिका–९ अचलगढमा वडा अधिवेशन स्थलमा दुई पक्षीयबीच विवाद हुँदा झडप भएको थियो ।
प्रकाशित मिति: सोमबार, मंसिर १३, २०७८ १९:१२
प्रतिक्रिया दिनुहोस्
