बैतडीमा जिप दुर्घटना, थप विवरण आउन बाँकी
बैतडी –बैतडीमा सोमबार साँझ जिप दुर्घटनामा परेको छ । जिल्लाको पाटन बजारबाट पाटन नगरपालिका ७ कैलपाल जाँदै गरेको से १ ज ८८८ नम्बरको जिप पाटन नगरपालिका १ सकारमा दुर्घटनामा परेको हो ।
दुर्घटनामा परेर ८ जना घाइते भएका र दुई जनाको अवस्था गम्भीर रहेको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले बताए । ६ जना समान्य घाइते भएका उनको भनाई छ ।
सबैलाई उपचारका लागि पाटन प्राथमिक स्वास्थ्य केन्द्रमा ल्याउँदै गरेको प्रहरी निरीक्षक शाहीले बताए । पाटन पुर्याएपछि मात्रै घटनाको थप विवरण आउने उनले बताए ।
चालक भने फरार रहेका छन् । घटनाको कारण खुल्न सकेको छैन् ।
प्रकाशित मिति: सोमबार, मंसिर २०, २०७८ १८:३९
प्रतिक्रिया दिनुहोस्
थप बैतडी
लोकप्रीय
