बैतडीमा जिप दुर्घटना : एकजनाको मृत्यु (अपडेट)
बैतडी –बैतडीमा सोमबार साँझ जिप दुर्घटनामा परी एकजनाको मृत्यु भएको छ । जिल्लाको पाटन बजारबाट पाटन नगरपालिका ७ कैलपाल जाँदै गरेको से १ ज ८८८ नम्बरको जिप पाटन नगरपालिका १ सकार खोलामा दुर्घटनामा परेको हो ।
मृतकको पहिचान भने खुल्न नसकेको घटनास्थलमा रहेका यातायात व्यवसायी दिनेश बिष्टले बताए ।
दुर्घटनामा परेर ९ जना घाइते भएका र ४ जनाको अवस्था गम्भीर रहेको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले बताए । ५ जनाको अवस्था भने समान्य रहेको बताइएको छ ।
सबैलाई उपचारका लागि पाटन प्राथमिक स्वास्थ्य केन्द्रमा ल्याउँदै गरेको प्रहरी निरीक्षक शाहीले बताए । पाटन पुर्याएपछि मात्रै घटनाको थप विवरण आउने उनले बताए ।
चालक भने फरार रहेका छन् । घटनाको कारण खुल्न सकेको छैन् ।
प्रकाशित मिति: सोमबार, मंसिर २०, २०७८ १८:५१
प्रतिक्रिया दिनुहोस्
थप बैतडी
लोकप्रीय
