बैतडी-बैतडीको सुर्नया गाउँपालिका ६ घर भई हाल भारतमा मजदुरी गर्दै आएका भवानीदत्त अवस्थीका परिवारलाई सहयोग रकम हस्तान्तरण गरिएको छ । रोजगारीको सिलसिलामा भारतको हैदरावादमा रहेका अवस्थीको एक महिना पहिला कलेजो र मृगौलामा समस्या आएपछि सहयोग अभियान सञ्चालन गरिएको थियो ।
आर्थिक अभावका कारण अवस्थीको उपचार हुन नसकेपछि उपचारमा सहयोग पुर्याउन शिवांश हेल्प फाउण्डेसनका तर्फबाट सहयोग अभियान सञ्चालन गरिएको थियो ।
सोही अभियान अन्तर्गत स्वदेश तथा विदेशबाट प्राप्त भएको ४० हजार ६३५ रुपैंया उनका परिवारजनलाई हस्तान्तरण गरिएको शिवांश हेल्प फाउण्डेसनका अध्यक्ष महेश अवस्थीले बताए ।
यस्तै भारतमै संकलन भएको ४४ हजार ७४५ रुपैंया यसअघि नै भवानीदत्त अवस्थीले प्राप्त गरिसकेका थिए ।
समस्यामा परेका नागरिकलाई शिवांश हेल्प फाउण्डेसनले सहयोग गर्दै आएको अध्यक्ष अवस्थीले बताए । भवानीदत्त अवस्थीको उपचारका लागि फाउण्डेशनको पहलमा नेपाल र भारतमा गरेर ८५ हजार ३८० रुपैंया संकलन भएको हो ।
