माओवादी केन्द्रको प्रथम सुदूरपश्चिम सम्मेलनको तयारी पूरा
कैलाली –नेकपा माओवादी केन्द्रको प्रथम सुदूरपश्चिम प्रदेश सम्मेलनको तयारी पूरा भएको छ । शुक्रबार धनगढीमा पत्रकार सम्मेलनको आयोजना गर्दै पार्टीले सम्मेलनको तयारी पूरा भएको जानकारी दिएको हो ।
मंसिर २५ र २६ गते हुने प्रदेशको प्रथभ सम्मेलनको तयारी पुरा भएको माओवादी केन्द्रका सुदूरपश्चिम इन्चार्ज खगराज भट्टले बताए । सबै प्रदेशमा केन्दीय अध्यक्ष पुष्पकमल दाहल प्रचण्डले सम्मेलन उद्घाटन गर्ने कार्यक्रम रहेको उनले बताए । अबको सम्मेलनले प्रदेशको नीतिगत तथा भौतिक विकासमा समेत भूमिका खेल्ने इन्चार्ज भट्टले बताए ।
सम्मेलनमार्फत नयाँ प्रदेश कमिटी चयन हुनेछ । सुदूरपश्चिममा माओवादी केन्द्रका ११ सय बढी प्रतिनिधि छन् ।
प्रकाशित मिति: शुक्रबार, मंसिर २४, २०७८ १६:५४
प्रतिक्रिया दिनुहोस्
थप कैलाली
