बैतडीमा भालुको आक्रमणबाट दुई जना घाइते
बैतडी–बैतडीमा भालुको आक्रमणबाट शनिबार दुईजना घाइते भएका छन् । जिल्लाको पञ्चेश्वर ५ नेटाका ३२ बर्षीय महेशराम भुल र ४० बर्षीया कमला चन्द घाइते भएका जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताए ।
घर नजिकैको जंगलमा घाँस दाउरा काट्न गएका बेला भुल र चन्दमाथि भालुले आक्रमण गरेको हो । महेशराममाथि दिउँसो १२ बजे र चन्दमाथि दिउँसो १ बजे भालुले एकै जंगलमा आक्रमण गरेको हो ।
भालुको आक्रमणबाट घाइते भएका भुलको बाँया हात र टाउकोमा चोट लागेको छ भने चन्दको दाहिने हात,छाती र टाउकोमा चोट लागेको प्रहरी निरीक्षक ओझाले बताए ।
घाइते दुवैलाई जिल्ला अस्पतालबाट थप उपचारका लागि धनगढी रेफर गरिएको उनले बताए ।
प्रकाशित मिति: शनिबार, मंसिर २५, २०७८ २०:२८
प्रतिक्रिया दिनुहोस्
थप बैतडी
लोकप्रीय
