कांग्रेस महाधिवेशन : सभापतिमा देउवाको अग्रता कायमै
काठमाण्डौ – नेपाली कांग्रेसको सभापतिका लागि भएको चुनावमा २ हजार ६ सय मत गणना सकिएको छ । अहिलेसम्म सभापतिका उम्मेदवार शेरबहादुर देउवाले ९ सय ५८ र डा. शेखर कोइरालाले ७ सय २६ मत प्राप्त गरेका छन् ।
यस्तै, प्रकाशमान सिंहले १५३ मत प्राप्त गरेका छन् भने सभापतिका अर्का उम्मेदवार विमलेन्द्र निधिले ११७ र कल्याण गुरुङले ६ मत प्राप्त गरेका छन् ।
कांग्रेसको विधानमा सभापतिका लागि कुल खसेको मतको बहुमत ल्याउनुपर्छ । ४ हजार ६७९ मत खसेकाले सभापतिमा जित्न २ हजार ३४० मत चाहिन्छ ।
नभए धेरै मत ल्याउने दुई उम्मेदवारबीच फेरि प्रतिस्पर्धा हुनेछ ।
प्रकाशित मिति: मंगलबार, मंसिर २८, २०७८ ०६:४६
प्रतिक्रिया दिनुहोस्
