आधा मतगणना सकिँदा कसैको पनि ५० प्रतिशत पुगेन
काठमाण्डौं –नेपाली कांग्रेसको सभापतिका लागि भएको चुनावमा आधा मतगणना सकिएको छ ।
४ हजार ६७९ मत खसेकोमा अहिलेसम्म २ हजार ६ सयभन्दा धेरै मतगणना भएको हो ।
सुरुदेखि नै अग्रता लिइरहेका शेरबहादुर देउवाले १२६७ मत ल्याएका छन् । शेखर कोइरालाले ९८० मत पाएका छन् । प्रकाशमान सिंहले २०४, विमलेन्द्र निधिले १६२ र कल्याण गुरुङले १२ मत प्राप्त गरेका छन् ।
अहिलेसम्म गणना भएको मतमा कसैले पनि ५० प्रतिशत कटाउन सकेका छैनन् । कांग्रेसको विधानअनुसार सभापतिमा निर्वाचित हुन खसेको मतको बहुमत चाहिन्छ । ४ हजार ६७९ मत खसेकोमा विजयी हुन २ हजार ३४० मत चाहिन्छ ।
कुनै पनि उम्मेदवारले बहुमत नल्याए धेरै मत ल्याउने दुई उम्मेदवारबीच पुनः प्रतिस्पर्धा हुनेछ ।
प्रकाशित मिति: मंगलबार, मंसिर २८, २०७८ ०७:३९
प्रतिक्रिया दिनुहोस्
