कैलाली – कैलालीमा बस र स्कारपियो ठोक्किँदा २७ जना घाइते भएका छन् । बुधबार बिहान १० बजेतिर लम्कीचुहा नगरपालिका–३ गोराङ्गेमा काठमाडौंबाट महेन्द्रनगरतर्फ जाँदै गरेको सु.प.प्र. ००२–००१ ख १०८४ नम्बरको बस र विपरीत दिशाबाट आउँदै गरेको से१च १५९३ नम्बरको स्कारपिया एकआपसमा ठोक्किएका हुन् । 

ठक्करबाट स्कारपियोमा सवार चालकसहित ३ जना र बसमा सवार ३८ जना गरी जम्मा ४१ जना मध्ये २७ जना घाइते भएको जिल्ला प्रहरी कार्यालय कैलालीले जनाएको छ ।

घाइतेहरुको लम्कीस्थित लालरत्न अस्पतालमा उपचार भइरहेको र अन्य सवार सकुशल अवस्थामा रहेको प्रहरीले बताएको छ । बस कञ्चनपुरको शुक्लाफाँटा नगरपालिका–१२ बस्ने ३४ बर्षीय गणेश रानाले चलाएका थिए भने, स्कारपियो कृष्णपुर नगरपालिका–६ बस्ने वर्ष ४८ वर्षीय मोतीराम डगौराले चलाएका थिए ।