बैतडी–बैतडीको पाटन नगरपालिका ९ स्थित ज्ञानेश्वर नमूना माविको ४७ औं बार्षिकोत्सव विविध कार्यक्रमका साथ सम्पन्न भएको छ । विद्यालय व्यवस्थापन समितिका अध्यक्ष हरिश बिष्टको अध्यक्षतामा भएको बाषिकोत्सव समारोहमा शिक्षा विकास तथा समन्वय इकाई प्रमुख नरेन्द्रप्रसाद अवस्थी प्रमुख अतिथी रहेका थिए । समारोहमा पाटन नगरपालिकाका प्रवक्ता लोकबहादुर भण्डारी विशिष्ट अतिथी रहेका थिए । 

बार्षिकोत्सवको अवसरमा विभिन्न अन्तरसदनात्मक क्रियाकलाप सञ्चालन गरिएका विद्यालयका सहायक प्रधानाध्यापक धनबहादुर महराले बताए । समारोहमा विद्यालयका प्रधानाध्यापक तर्कराज भट्टले २ करोड ९३ लाख ८४ हजार ७ सय २९रुपैँया बराबरको आयव्यय विवरण प्रस्तुत गरेका थिए ।