बैतडी-श्री सहस्त्रलिङ्ग कैलपाल कृषि सहकारी संस्था लिमिटेड पाटन नगरपालिका ४ मोहनपुर बस्ती बैतडीको सातौं वार्षिक साधारण सभा शनिबार सम्पन्न भएको छ । सञ्चालक समितिका अध्यक्ष विर सिंह महराको सभापतित्वमा सञ्चालन भएको कार्यक्रमका प्रमुख अतिथी पाटन नगरपालिका वडा नं ४ का वडा अध्यक्ष दिपक सिंह बिष्ट रहेका थिए ।
यस्तै कार्यक्रमका विसिष्ट अतिथी भुमेश्वर माध्यमिक बिधालय ठाँडका प्रधानाध्यापक विरेन्द्र बहादुर चन्द रहेका थिए । कार्यक्रममा सहकारीका व्यवस्थापक रमेश सिंह महराले ७३ लाख २५ हजार ९ सय १२ रूपैयाँको आर्थिक प्रतिवेदन प्रस्तुत गरेका थिए । यो सगैं ६३ लाख ६८ हजार ९ सय १२ रूपैयाँ ऋण लगानीको विवरण समेत प्रस्तुत गरेका थिए ।
कार्यक्रममा बोल्दै वडा अध्यक्ष बिष्टले संस्थालाइ विभिन्न समयमा वडाले सहयोग गर्दै आएको र अबका दिनमा पनि सहयोग गर्ने बताए । यस सहकारी संस्थामा हाल ४५२ सेयर सदश्य र १६४ बाल सदश्य गरि जम्मा ६१६ सदश्यहरू रहेका स्थानीय पत्रकार राजेन्द्र विष्टले बताउनुभयो ।
