बैतडी-बैतडीको सुर्नया गाउँपालिका वडा नं ३ मा रहेको श्री बाशुदेव आधारभुत विद्यालयको ७२औँं वार्षिकोत्सव आइतबार सम्पन्न भएको छ ।
विद्यालय व्यवस्थापन समितिका अध्यक्ष तर्क राज भट्टको अध्यक्षतामा सम्पन्न कार्यक्रमका प्रमुख अतिथि वडा अध्यक्ष दिला राम भट्ट रहका थिए ।
उक्त कार्यक्रममा विद्यलयका प्रधानाध्यापक सुन्दरदेव भट्टले ४३ लाख बराबरको आर्थिक प्रतिवेदन पेश गरेको वि.व्य.स का सदश्य केशव दत्त भट्टले बताए । वार्षिकोत्सव विविध सांस्कृतिक कार्यक्रम सहित सम्पन्न भएको जनाइएको छ ।
वार्षिकोत्सबको अवसर पारेर वडा नं ३ का अध्यक्ष दिला राम भट्टले विद्यालयमा अक्षयकोषको स्थापना गरेका छन् ।
विद्यालयमा अध्ययनरत अति गरिव,विपन्न,जेहेन्दार तथा आर्थिक अवस्था कमजोर भएका विद्यार्थीहरुलाई छात्रवृत्ति प्रदान गर्ने उदेश्यले २० हजार एक सय रुपैयाँको अक्षयकोष स्थापना गरिएको वडा अध्यक्ष भट्टले बताए ।
