श्रीमतीको हत्या गरेको आरोपमा श्रीमान् पक्राउ
रुकुम- श्रीमतीको हत्या गरेको आरोपमा रुकुम पश्चिममा श्रीमान् पक्राउ परेका छन् । २६ वर्षकी कमला खनालको हत्या आरोपमा रुकुम बाँफिकोट गाउँपलिका–९ का उहाँका श्रीमान् दिपक खनाल भन्ने दलजित खनाल पक्राउ परेका हुन् ।
गएको शुक्रवार राति आफ्नै कोठामा झुण्डिएको अवस्थामा कमलाको शव फेला परेको थियो ।
दलजितले घाँटी थिचेर श्रीमतीको हत्या गरेको अनुसन्धानका क्रममा खुल्न आएको जिल्ला प्रहरी कार्यालय रुकुम पश्चिमका प्रहरी निरीक्षक डेकेन्द्र शर्माले बताउनु भएको छ ।
खनालले रक्सी खाएर श्रीमतीको हत्या गरी सलले झुण्याइ दिएको बयान दिएका प्रहरी निरीक्षक शर्माले बताउनुभयो । जिल्ला अदालत रुकुमबाट १० दिनको म्याद लिइ घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: सोमबार, पुस १९, २०७८ १६:३९
प्रतिक्रिया दिनुहोस्
