बैतडी- बैतडीमा एमाले जिल्ला अधिवेशनबाट नेतृत्व  सर्वसम्मतिमा चयनका लागि पाटनमा शनिबार  बिहानै देखि छलफल चलिरहेको छ । सर्वसम्मतबाट नेतृत्व छान्न आकांक्षि बढि  देखिएकोले सहज नभएको बुझिएको छ । 
आज (शनिबार) साँझ पाँच बजे सम्म सहमतिको लागि समय दिइएको छ । नेतृत्वको लागि सहमति नभए शनिबार नै निर्वाचन  हुने जिल्ला कमिटी सदस्य लोक बहादुर भण्डारीले बताए । 
चुनाव गर्नेुपर्ने भएमा निर्वाचन समिति तयारिमा रहेको र निर्वाचन तालिका समेत सार्वजनिक गरिसकेको जनाएको छ । उदघाटन सत्र र बन्द सत्र शुक्रबार बैतडीको पाटनमा सम्पन्न भइसकेको छ ।